حازم: ولا يهمك المهم طمنينى لسه تعبانه
ملاك: يعنى بس الحمدلله أنا كويسه اهو
أميره: انتى رايحه الكليه ولا إيه يا تعبانه
ملاك: أيوة
فهد: ازاى وانتى تعبانه
ملاك: أنا الحمد لله كويسه يا فهد وأقدر اروح
حازم: ايوة يا بنتى بس لازم ترتاحى شويه مش كده
فهد: خلاص يا بابا أنا هوصلها هي ومها
ملاك: هو ابيه سيف فين؟
مها: فى الغردقه عنده شغل
ملاك: تمام ماشى أنا هطلع اجيب كتبى
فى منزل السيوفى
قاسم بغضب: مش قولت أنا اللى هتكلم معاها واقنعها
امينه: أنت كل مره كنت بتقول كده ومش بتوافق سيبنى أنا أحاول معاها
قاسم: أنا هروحلها بس مش هجيبها دلوقتى
امينه: المهم تقنعها وخلاص
قاسم: طيب وسابها وخرج
فى مكان تانى خارج مصر ( باريس )
_ عملت ايه مع فهد ؟!
أمجد: انتى عارفه انه مش سهل واكيد مش هنعرف نخلص منه بسهوله
والعمل ؟ _
أمجد: تنزلى مصر
مستحيل انت عايز فهد ي@قتلنى _
أمجد بزهق: خلاص متتكلميش تانى فى الموضوع ده انا لسه مخلصتش من موضوع منه وحتى الغبى جاب الرصاصه فى واحده تانيه
ماشى نسيب موضوع فهد دلوقتى _
عند ملاك
خلصت محاضراتها ورجعت هي ومها مع فهد وكانت اميره بره وحازم فى الشركه
مها: أنا هطلع أنام شويه
ملاك وفهد: ماشى
فهد: ها هتعملى ايه ؟
ملاك: مش عارفه بس الأكيد انى مش هوافق وبعدين بابا عمره ما هيغصبنى على حاجه
فهد: وافرضى صمم لأن لما كلمته امبارح سألته وقال إن حتى مش هيكون في خطوبه
ملاك: نعم، هو قال كده
فهد: أيوة
ملاك: يا رب طب وبعدين أعمل ايه ؟
فهد: هو فى حل واحد تقريبًا
ملاك: الحقنى بيه
فهد: اتجوزك
ملاك: ____
البارت السادس
فهد: اتجوزك
ملاك كانت لسه هترد بس كانت منه دخلت
منه: السلام عليكم
ملاك وفهد: وعليكم السلام
ملاك: سألت عليكى فى الكليه وقالوا انك مروحتيش
منه: اها صحيت متأخر، اسفه انى مبلغتكيش قبل ما اجيلك
فهد: البيت بيتك يا آنسه منه بعد اذنكم
منه وملاك: اتفضل
ملاك: احكيلى حصل ايه ؟.
منه: مش انتى عارفه موضوع الورث
ملاك : أيوة
منه: اهو أمجد هو اللى حاول يقتلني بس انتى اخدتى الطلقه بدالى
ملاك: وانتى عرفتى ازاى إن هو ؟
منه: لأن باختصار مليش مشاكل مع حد غيره ف أكيد هو
ملاك: وبعدين ؟!
منه: بس مش عارفه أعمل ايه
ملاك: بلغى عنه
منه: هقول تانى، ده أمجد الدمنهورى يعنى مش سهل حد يوصله يا ملاك
ملاك: ليه يعنى هو مش فى قانون فى البلد
فهد من وراها: اها طبعًا في قانون، بتتكلموا عن مين ؟
ملاك: بتقول أمجد الدمنهورى
فهد بغضب: هو ده اللى ضرب عليكى نار
ملاك: منه بتقول إن هو ده
فهد: ابن ال*** بينتقم منى فيكى
منه: لأ مش كده بس هو ابن خالى وكان قاصدنى أنا
فهد بصدم#مه : أمجد ابن خالك انتى ؟
منه: أيوة للأسف
فهد: وهو عاوز يقت@لك ليه ؟
منه: خالى كتبلى كل املاكه وطبعًا ابنه مفكر ان أنا اللى خليته يعمل كده مع انى اكتر واحده اتصدمت من كده
ملاك: طيب هو مش انتى كنتى قولتى أنه سافر
منه: أمجد مش غبى هو سافر عشان لو قدمت بلاغ أو فكرت حتى أتراجع لانه كان مسافر أصلًا
فهد: أنا رايح اجيب خالى
ملاك بلهفه: بابا جاى هنا ؟
فهد: أيوة كلمنى وقال انه وصل هروح اجيبه
ملاك: ماما معاه ؟؟
فهد: لأ
ملاك بارتياح: تمام يلا بسرعه
فهد: ماشى سلام
منه وملاك: سلام
بعد ما فهد مشى
منه: هو بيتكلم بهدوء ليه كده ؟
ملاك: لأ ما هو اتأسف على كلامه ده وخلاص الحمدلله مفيش خلاف يعنى
منه: وايه كمان يا ست ملاك ؟.
ملاك: فهد طلب يتجوزنى
بقلمي/ رنا شريف
منه بصدم#مه: نعم
ملاك: والله
منه: ازاى ده ؟
ملاك: امى مصممه انى اتجوز سامح ابن خالتى وانا مستحيل أوافق انتى عارفه ف هو قال إن الحل الوحيد انى اتجوزه وبكده اكون خلصت من سامح
منه: لأ شهم بجد
ملاك: اخرسى
منه: طيب وانتى قولتى ايه ؟
ملاك: م سيادتك دخلتى بس كويس أنا أساسًا مش موافقه
منه: ليه يا ملاك، فهد باين انه كويس
ملاك: انتى عارفه انى رافضه فكرة الجواز كلها
منه: لأ انتى كده بتضحكى على نفسك، انتى رافضه سامح عشان اللى عمله زمان ورافضه الجواز عشان مفكرة إن الكل زيه
ملاك: منه ارجوكى أنا مش ناقصه، وكمان بتتكلمى كأن فهد بيحبنى ده بيعمل كده شفقه بس عاوز يساعدنى وخلاص
مها من خلفها: لأ مش شفقه، فهد مش من النوع ده هياخد قرار كبير زى ده عشان يساعد. هو عمل كده عشان بيحبك
بقلمي/ رنا شريف
ملاك: مها فوقى أنا واخوكى امبارح كنا بنكره بعض وكان مستحقر وجودى بينكوا
مها: اقولك حاجه، فهد بيحبك حتى لو من امبارح بس انتى مشوفتيش شكله كان عامل ازاى ولا نظرته فى الكليه من قبل حتى ما يعرف انك بنت خاله
ملاك: اقفلى انتى وهي على الموضوع ده، أما مش هتجوز خالص
عند امينه ( ام ملاك )
سامح: وبعدين يا خالتى
أمينه: ابوها هيقنعها متقلقش
لتكملة الخبر اضغط على الرقم 7 في السطر التالي 👇
