امينه: ماشى بس متزعلش لما بنتك تعرف
قاسم: انتى بتهددينى
امينه: بعقلك مش بهددك
قاسم: طيب، سيبينى أنا هقنعها وانتى متتكلميش معاها خالص سامعه
امينه: أما نشوف
فى المستشفى
عند منه
سيف: حمدالله على سلامتك
منه: الله يسلمك، ملاك كويسة ؟؟
سيف: الحمدلله الرص،ـاصة في كتفها يعنى حاجه بسيطه
منه: الحمد لله أنا عايزة اروحلها
سيف: ماشى بس قبل ما نروح، كنت عايزه أسألك على حاجه
منه: اتفضل
سيف: انتى شوفتى شكل اللى ض@رب عليكم ن@ار ؟؟
منه: ايوه انا عارفة مين اللي عمل كده
سيف: مين ؟
منه : ده أمجد ابن خالى
سيف باستغراب: نعم !! وده بيعمل كل ده ليه
منه: بينتقم
سيف: بينتقم ازاى يعنى ؟
منه: خالى كتبلى كل املاكه قبل ما يموت وكان أمجد مسافر ورجع عشان ياخد الورث بتاعه بس عرف إن خالى كتبلى أنا الورث وكل حاجه بيع وشراء وعايز يموتنى عشان مفكر انى استغليت مرضه وخليته يعمل كده
سيف: وانتى مبلغتيش ليه عنه ؟
منه: عشان هو أمجد الدمنهورى ومش سهل انه يتقبض عليه
سيف بصدم#مه: أمجد ابن خالك انتى ؟
منه: أيوة، هو انت تعرفه ؟!
سيف: ده عدو فهد وبيكرهه جدًا وحاول ي@قتله مرتين
منه: أنا عايزة اروح لملاك
سيف: اه طيب اتفضلى
دخلوا لملاك ومنه جريت عليها حضنتها
منه: أنا اسفه كل ده بسببى
ملاك: ايه؟؟
سيف: بعدين، أنا هشوف الدكتور لو هتقدرى تخرجى دلوقتى
أميره،: ماشى يابنى
حازم: خليك انت يا سيف، روح وصل منه عشان الوقت أتأخر وانا هنزل للدكتور وخد معاك امك ومها
أميره: أنا هفضل هنا لحد ما تروح
حازم: إحنا هنرجع على طول روحى انتى
مشى الكل عدا حازم وفهد
حازم: أنا هشوف الدكتور عشان نمشى
فهد: ماشى
خرج حازم وفضل فهد وملاك
فهد: حمدالله على سلامتك
ملاك: الله يسلمك شكرًا
فهد: أنا آسف
ملاك: قولتلك رأيك مش مهم خالص
فهد: حطى نفسك مكانى طيب
ملاك: مقدرش عشان أنا مش بحكم ع الناس من لبسهم وطريقة كلامهم ومستواهم اللى هما عايشين فيه
فهد: طيب ممكن تقبلى اعتذارى
ملاك: خلاص يا فهد حصل خير
فهد: بجد ولا كلام
ملاك: م خلاص يا فهد قولت حصل خير انت هتصدعنى ليه
فهد: لسانك عايز يتقطع
بقلمى/ رنا شريف
ملاك: عارفه، كلهم قالولى كده
فضلوا يتكلموا لحد ما حازم دخل هو والدكتور
فهد: ها يا دكتور هتخرج
الدكتور: أيوة تقدرى تخرجى بس ترتاحى كويس يا قمر
ملاك: شكرًا يا دكتور، اسمى ملاك
الدكتور: العفو يا قمر بعد اذنكم
فهد: هو مسمعش إسمها ؟!
حازم: خلاص يا فهد هو معاه حق م ملاك زى القمر اهى
ملاك: تسلم يا عمى
مشيوا كلهم ووصلوا للفيلا وأول ما دخلوا ملاك تنحت
امينه: مالك يا بنتى ايه اللى عمل فيكى كده
ملاك: مفيش يا ماما انتى جيتى ليه
امينه: مش عايزانى اجى ولا ايه ؟
ملاك: ابدا أما مقصدش
امينه: طيب لمى هدومك وتعالى
ملاك: ليه ده أول يوم ليا هنا
امينه: هنرجع البلد
ملاك: ليه ؟
امينه: عشان هتتجوزى ابن خالتك
فهد بغضب: *
فهد بغضب: وانتى عاوزاها ترجع ازاى وهي تعبانه كده انتى مش واخده بالك من شكلها دى واخده رصاصه وفى جرح فى دراعها ولازم ترتاح
امينه: دى بنتى ولا أنت هتخاف عليها اكتر منى
حازم: لأ طبعًا بس هي بنت خاله وخايف عليها مش اكتر
ملاك: ثوانى بس، اتجوز مين انتى عارفه انى مش موافقه عليه
امينه: أنا وابوكى قررنا وخلاص، يلا اطلعى حضرى شنطتك عشان نمشى
فهد خرج بره
أميره: طيب استنى اسبوع ولا حاجه على الأقل لحد ما دراعها يخف شويه وكمان عشان الكليه
امينه: لأ، أنا لازم أرجع البلد
أميره: طيب ارجعى وسيف يرجعها البلد كمان اسبوع يا أمينه مش هيحصل حاجه ولا انتى هتجوزيها وهي دراعها كده
دخل فهد واردف: أنا استأذنت من خالى أنها تفضل ووافق يا مرات خالى وقال كمان عشان مينفعش من أولها كده تسيب الكليه
أمينه: طيب انا راجعه البلد وهاجى اشوفك تانى يا ملاك
ملاك بحزن وهدوء: ماشى يا ماما
حازم: سيف، روح مع مرات خالك عشان توصلها
سيف: حاضر
امينه: مع السلامه
الكل: الله يسلمك ومشيت ومعاها سيف يوصلها
أميره: تعالى يا ملاك اقعدى وارتاحى
ملاك: حاضر
قعدوا كلهم فى صمت وملاك ساكته وسرحانه
بقلمى/ رنا شريف
مها: وبعدين يا ملاك.
ملاك: مش عارفه، بابا عارف انى مش هوافق عليه وهو طلبنى للجواز كذا مره وقولت لأ والموضوع كان انتهى
فهد: خلاص مش مهم دلوقتي، اطلعى انتى ارتاحى وبكره نتكلم
ملاك: ماشى، تصبحوا على خير.
الكل: وانتى من أهله
مها بهمس ل حازم: هو فهد كلمها كويس ولا أنا سمعت غلط
حازم: لأ وكلم خالك عشان تفضل هنا كمان
مها: ابنك وقع ماشاء الله
حازم: يا ريت، بس انتى عارفه اخوكى دماغه فى الشغل وبس
فهد: بتتكلموا فى ايه ؟.
مها بخبث: بشوف هلبس ايه فى فرح ملاك
فهد بجده: مها اخرسى، هي مش موافقه عليه أساسًا
حازم: انت محموق أوى كده ليه
فهد بتوتر: لأ عادى، تصبحوا على خير
الكل: وانت من أهله
مها: يلا وأنا كمان هقوم انام
حازم: يلا يا أميره إحنا كمان.
أميره: يلا
بعد وقت سيف رجع وفضل شويه يفكر فى منه وكلامها وبعدين نام ومر الليل بسلام على الكل
فى الصباح الكل متجمع على الفطار ومستنين ملاك لحد ما خلصت ونزلت
ملاك: صباح الخير، اسفه اتأخرت
لتكملة الخبر اضغط على الرقم 6 في السطر التالي 👇
