أميره: اطلع اعتذرلها
فهد بغضب مكتوم: ماشى تستحمل
طلع فهد فوق ومفيش ثوانى والكل سمع صراخ ملاك و…….
يتبع
الكل طلع فوق بسرعه ودخلوا الاوضه
حازم: مالك يا بنتى بتصوتى كده ليه، وفين فهد ؟!.
ملاك: مين اللى جاب كلب في الاوضه انتوا عارفين انى بخاف منهم
دخل فهد
فهد: ايه ده انتوا بتعملوا ايه هنا فى اوضتى ؟
مها: اصل ملاك خافت من الكلب اللى ف البلكونه بتاعتك.
فهد: وانتى تدخلى هنا ليه أساسًا
ملاك: دى الاوضه بتاعتى
اميره: اصل فهد لما رجع من السفر اخد الاوضه دى، تعالى هوديكى الاوضه اللى جنب مها
ملاك: تمام ماشى
بقلمى / رنا شريف
مها بهمس لسيف: أنا فكرته قتل@ها
سيف: وأنا بس هو كان فين
مها: هو انت كنت فين يا فهد ؟!
فهد: كنت فى المكتب بشوف حاجه
سيف: مش قولنالك اطلع اعتذرلها
فهد: ماشى بعدين، أنا خارج
مها: على فين ؟.
فهد: رايح ل آدم، سلام
مها: سلام
سيف: أرجع بدرى عشان نخلص شوية شغل لانى رايح الغردقه بكره
فهد ؛ تمام ماشى
عند ملاك
اميره: ارتاحى يا حبيبتي وأول ما الأكل يجهز هنادى عليكى
ملاك: ماشى يا عمتى
حازم: هو فهد مطلعش الاوضه خالص يا ملاك
ملاك: لأ
حازم: طيب ماشى، متقلقيش أنا هخليه يعتذرلك عن الكلام اللى اتقال
ملاك: عادى أنا مش فارق معايا كلامه
حازم: معلش يا بنتى هو كان مع عمه فى باريس طول حياته وفكرته عن مصر والأماكن هنا غريبه شويه
ملاك: بكره تتغير
حازم: بإذن الله، ارتاحى انتى دلوقتي
ملاك: ماشى.
بعد ما نزل موبايل ملاك رن
ملاك: ايوه يا منه
منه: طمنينى انتى كويسه
ملاك ‘: انتى محسسانى انى رايحه احارب
منه: م بعد كلام ابن خالك لازم اقلق عليكى
ملاك: لأ متقلقيش الكل هنا معايا
منه: تمام ، هتعملى ايه فى الحاجات بتاعتك
ملاك: هروح اجيبها م السكن
منه: تمام، عرفينى لما تروحى
ملاك: اشطا تمام
منه: ماشى سلام
ملاك: مع السلامه
بعد ما قفلت الباب خبط
ملاك: اتفضل، تعالى يا مها
مها: معلش مش تزعلى من فهد على طريقته، هو طيب والله بس هو عشان كان طول الوقت هناك وكده ف وجهة نظره غلط
ملاك: عايزة الصراحه
مها: يا ريت
ملاك: اخوكى رخم ومغرور وشخص لا يطاق
مها: مين فيهم
ملاك: اكيد فهد
مها: والله هو طيب جدًا وكويس
ملاك: ايوه باين عليه
مها: طيب سيبك من فهد، هتعملى ايه، يعنى مش هتروحى البلد خالص
ملاك: لأ طبعًا هروح كل اسبوع
مها: تمام، هاجى معاكى الزيارة الجايه
ملاك: تنورة يا حبيبتي حتى بابا نفسه يشوفك
مها: والله وحشنى أنا كمان
بالاسفل
أميره: شوفت اخرتها، مش قولتلك اخوك هيعقده فى كل حاجة
حازم: واخويا ماله بس
أميره: صمم أنه يفضل هناك وانت وافقت وبنى في دماغه فكره غلط
حازم: اهدى بس بكره يعقل ويفهم
اميره: ومن هنا لحد ما يفهم تبعده عن ملاك، أنا مش هخسر اخويا وبنته عشان تفكير ابنك ده
حازم: حاضر أهدى بس
لتكملة الخبر اضغط على الرقم 4 في السطر التالي 👇
