سندس :حاضر
وسندس دخلت الاوضه ومسكت التليفون وقالت ياه شهاب متصل بيه كتير
وسندس اتصلت بشهاب وشهاب قالها وحشتينى اوى
سندس : هههه وانت كمان
شهاب : انا بس بعتك علشان تعرفى الحقيقه وبعدين انا هتصرف مع الناس دى..
سندس : انا عاوزاك النهارده جوهره مش هنا ولا نبيله مفيش غير فتحى البواب وهو طيب اوى
وسندس قفلت معاه واتفقت انه يجى يقعد معاهم وبعد مرور الوقت والساعه دقت 10 بالليل ومفيش حد ونبيله مجتش سندس خرجت من اوضتها وطلعت على الدور اللى فوق وفتحت باب الاوضه ودخلتها تانى وقالت يا ترى الجثث دى لمين…. اوباااااااا..
نبيله : انتى ايه اللى طلعك هنا يا بت..
سندس : ها أنا انا انا
نبيله مسكت سندس من رقبيتها وقالت لها انطقى يا بت لموتك
سندس : اه قولى كده انتى مجرمه بقى يبقى انتى الى قتلتى البنات دى
نبيله مسكت سندس من شعرها وقالت قتلت مين يا بت ده انت حته بت فاجره ولا تسوى وحتى ملكيش سعر
سندس : اخرسى اوعى ايدك وابعدى عنى
نبيله : مش هسيبك وغير روحك طالعه فى ايدى يا فاجره يللى ملكيش تمن احنا هنا بنبيع الستات الحلوة مش الجرابيع اللى ذيك…
= ما بين شد وجذب ما بين نبيله وسندس جوهره جت وقالت الله الله انتى وهى ايه ده ومسكت سندس وقالت ايه اللى دخلك الاوضه دى يا بت…
نبيله : سبيها متوسخيش ايدك انا هموتها
سندس : سيبينى هتموتينى اه ما انتوا ما صدقتوا يا أوساخ
= جوهره مسكت فى سندس وتضرب فيها وسندس مش قدها ضعيفه ونبيله تديها بالرجل وجوهره بالكف ع وشها…
جوهره شدت سندس من ايدها ونزلتها من على السلالم زحف
فتحى البواب : ايه ده البنت هتموت كده
جوهره : اسكت انت يا نطع
نبيله : ما انت لو واخد بالك كانت طلعت الاوضه يا اهطل
جوهره : ادخلى على الاوضه يا بت هو انتى افتكرتى نفسك هانم علشان شهاب خدك يومين علشان مزاجه لا يا حبيبتى ده مزاجه وبس شهاب مبيحبش حد والنهارده دخلتك على راجل جديد دافع فيكى كتير اوى مع انه خساره فيكى انتى متسويش حتى شلن…
شهاب : سندس
سندس : شهاب كويس انك جيت الحقنى هيموتونى….
شهاب : متخافيش بقولك يا فتحى خود سندس على بيتى بسرعه وسبنى انا للاوباش دووول..
جوهره : اوعى كده سيب البت
شهاب : جوهره اعقلى…
وفتحى اخد سندس وراح على ڤيلا شهاب
شهاب فضل قاعد مع جوهره ورفع عليها وعلى نبيله المسدس….. وقالها تعرفى سندس منين وجوهره مش عاوزه تتكلم وشهاب مد ايده عليها ونبيله حاولت تهرب بس شهاب مسيطر.. لحد ما جوهره قالت لشهاب كل حاجه وعرفت سندس ازاى…..
وشهاب خرج من الڤيلا مضايق ومش فاهم حاجه بس راح ڤيلته ولقى سندس قاعده مع فتحى ومنهاره من خوفها ع شهاب واول ما شافته فرحت وقالت كانوا هيموتونى..
شهاب : انا عرفت جوهره عرفتك ازاى بس انا مش فاهم حاجه والاسماء اللى قالت عليها انتى تعرفيها ولا لا وهل بتكدب عليه علشان اسيبها ولا لا
فتحى : ما تقول يا شهاب بيه
سندس : قول لو اعرفهم هقولك
شهاب : لما سألتها عرفتك منين مكانتش عاوزه تقول بس لما هددتها بموضوع الجثث وكمان انى ممكن اموتها هى خافت وقالت اللى زقتها عليكى واحده تعرفها وتقريبا صاحبتها اسمها سعاد؟؟ ….
سندس : خالتى!!!
وسندس قالت خالتى سعاد وشهاب وفتحى البواب تنحوا من كلام سندس وشهاب قال معقول خالتك تعمل فيكى كده…
= سندس زى المجنونه وقالت لا طبعا خالتى ست غلبانه وملهاش فى حاجه وشهاب قال اومال جوهره عرفتها ازاى هى قالت سعاد عموما فكرى يمكن تعرفى حد تانى بالأسم ده وسندس قالت لأ للأسف معرفش معرفش معرفش
شهاب : عمى فتحى ادخل اعمل ليمون علشان سندس
فتحى : حاضر يا شهاب بيه
وفتحى دخل المطبخ يعمل ليمون وسندس قالت انا مش ههدى غير لما اعرف اخواتى فين؟ وليه خالتى تعمل كده.. انا لازم اروح لها…
شهاب : انا مش هسيبك لوحدك
سندس : تعالى معايا
فتحى : الليمون
شهاب : اشربى يا سندس
سندس : مليش نفس انا تعبانه اوى يا شهاب
شهاب : معلش ربنا يريح قلبك يلا اشربى الليمون وانا هروح معاكى عند خالتك….
سندس : طيب عرفت منها موضوع الجثث ده ايه؟
شهاب : انا هددتها بس.. إنما محاولتش اعرف
فتحى : جثث ايه
سندس : اللى فى الدور اللى فوق يا عم فتحى
فتحى : يااه انتى شوفتيهم
سندس : اه
شهاب : انت تعرف حاجه يا عم فتحى؟
فتحى قال بصوت واطى دول مش جثث بمعنى جثث
شهاب : تقصد ايه
فتحى : هقولك من كام سنه جوهره اتعرفت على راجل كبير وكان لى هيبه كده وكان بيشوف اى بنت حلوه يقول لجوهره عليها وكان بيدفع فلوس زى الرز
لتكملة القصة اضغط على الرقم 13 في الأسفل 👇
