سندس : انا عمرى ما كدبت يا شهاب
وشهاب قام وخد سندس من ايدها ودخل اوضه النوم وقالها نامى هنا وانا فالاوضه اللى جمبك لو احتاجتى حاجه كلمينى فى تليفون جمبك اهو اتصلى بيه او تعالى الاوضه صحينى بس اوعى تخضينى…..
= سندس ابتسمت وقالت حاضر ونامت على السرير وكانت مرتاحه لكلام شهاب…
وشهاب دخل اوضته وفضل يفكر فى سندس وكلامها وحلف انه لازم يساعدها…
وفى صباح اليوم التالى سندس قامت من النوم على صوت شهاب بيزعق قامت مفزوعه وخرجت من الأوضه وشافت حاجه غريبه وقالت ده مستر خالد صاحب الشركه اللى بشتغل فيها هو يعرف شهاب منين وخالد مشى وشهاب قعد مضايق وسندس خرجت وقالت صباح الخير يا شهاب مالك بس كنت بتزعق ليه ومين اللى كان هنا ده وعصبك ونرفذك
شهاب : صباح الورد.. يا ستى ده اخويا خالد
سندس قالت فى سرها معقول مستر خالد اخوك صدفه فعلا ويا ترى صدفه ولا لا انا مبقتش اثقك فى حد
سندس : اخوك وكان بيزعقلك ليه
شهاب : هيتجوز يا ستى وهيسافر وعايز امسك شركته وانا عندى شغل كتير مش هينفع.
سندس : اممم بقولك بقى انا همشى يلا اتصل ب جوهره وقولها تخلى السواق ياجى ياخدنى
شهاب : لا انا عاوزك معايا النهارده
سندس : شهاب الايام جايه كتير
شهاب : وغلاوتى عندك..
سندس : حاضر يا…
شهاب : قوليها..؟
سندس : لا لا
شهاب : يلا نفطر
سندس وشهاب قعدوا فطروا وابتدوا يحكوا لبعض كل حاجه وعدت ساعات وأيام وعدت اسابيع وسندس قاعده مع شهاب وعدى شهر وكل لما جوهره تكلم شهاب يقولها حجج وشهاب وسندس عايشين مع بعض ومقضينها فسح وخروج….
سندس : بحبك يا شهاب اوى
شهاب : وانا بعشقك انتى خدتينى من الدنيا
سندس : وانت كمان.. انا نسيت بيك كل حاجه
البواب : شهاب بيه فى ست بره بتقول عاوزاك
سندس : اه والله قلبى اتقبض تلاقيها جوهره
شهاب : مش عارف..
البواب : اخليها تتدخل
شهاب : خليها تندخل
والست دخلت وكانت نبيله وقالت ازيك يا شهاب
شهاب : نبيله ازيك خير فى حاجه
نبيله : مدام جوهره عاوزاك وقالت لسندس ازيك يا بتاعه انتى..
سندس : اهلا وبعدين انا ليه اسم
نبيله : مش انتى مكنتيش عاوزه…
واهو دلوقتى يضرب بيكى المثل
سندس : الفضل ليكم طبعا
نبيله : انا جايه اخدك
شهاب : نبيله اسكتى انا هكلم جوهره
وفعلا شهاب كلم جوهره وكانت متعصبه لأنها كانت بتستفاد من شهاب وطبعا سندس اخدته منها وطلبت من شهاب يقابل سندس عندها وشهاب وافق علشان عاوز يعرف من جوهره ليها
يد فى غياب اخت سندس ولا لأ
وشهاب قال لسندس تمشى مع نبيله وسندس طلبت من شهاب ميبعدش عنها وودعت شهاب وهى رايحه لجوهره….
ومشيت مع نبيله ووصلوا وجوهره كانت قاعده مع راجل وبيديها فلوس علشان عاوز بنت وجوهره اخدته ودخلت مع الراجل اوضه وطلعت وقالت لسندس تقعد فى اوضتها متطلعش وجوهره خرجت ونبيله راحت تشترى حاجات وفتحى البواب دخل يجرى وخبط على سندس وسلم عليها…
سندس : انا كويسه واوى كمان يا عم فتحى بس لو تقولى حكايه الدور اللى فوق ده ايه
فتحى : ششششش اسكتى خالص بعدين
سندس : انا هدخل الاوضه قبل ما العو تيجى
فتحى : نبيله ههههههه ماشى وبالليل احب اشوفك ونتكلم شويه
لتكملة القصة اضغط على الرقم 12 في الأسفل 👇
