امي قالت “اصلا هي خلاص بقت بنتي”
لقيتها خرجت قولت بسرعه “فيكي حاجه حصلك ايه”
هي في نفسها هو ملهوف عليا كده ليه كاني حاجه بتاعته رديت “لا مفيش حاجه بسي كفاية كده همشي بقا”
هو كنت لسه هرد لقيت امي ردت قبلي ” بصي انا قعدت ليلة كاملة قصداك احط ليكي كمادات وتبعا ده مش ببلاش ”
حسيت انها زعلت وعيطتت من تحت النقاب بسي اتكلمت براحه وكانها مفيهاش حاجه “انتي تؤمري عايزا ايه”
لقيت امي ردت ومكنتش متوقع ردها ” انا اعتبرتك بنتي خلاص في بنت تسيب بيتها وتمشي يلا يا حلوة علي الاوضه دي ومسمعش حسك ”
لقيتها فرحت وجريت علي امي وحضنتها اوي وامي بدلتها الحضن
ردت قالت ليها: “شكرا ليكي يا طنط”
امي: “لا كده انا زعلت قولي ليا يا ماما متقوليش طنط دي”
ردت قالت: “حاضر يا أمي”
قولت انا “هو من لقا احبابه نسي اصحابه ايه يا ست الكل”
امي ردت ” بسي يا ولا وانتي يا شاطرة يلا روحي البسي عباية بيتي من بتوع البت ايمان بنتي ويلا علشان في مواعين مستنياكي ”
ردت قالت: “فوريرة يا ست الكل”
سبتهم ودخلت الاوضه كنت فرحانه فعلا حسيت بحنان وانا بحضنها كنت اتمني ان امي تبقي كده بسي الفرحه مش بتكمل بعد مخرجت روحت جهزت الاكل وكلنا وغسلت المواعين وقعدت معهم كان زين وابوه وامه لقينا الباب بيخبط جامد خوفت فتح زين الباب ولقيت الي كنت خايفه منه ابن عمي اسمه سيف خوفت اكتر لقيته زق زين فزين مسكه وقال
“في ايه انت داخل كده هي وكالة من غير بواب مين حضرتك”
سيف قرب عليا وشدني “بقا ست الشيخه تهرب من كتب كتابها ويا تري مين دول يمكن تكوني فتاة ليل وانا معرفش وعملا نفسك شريفه و و
لقيت زين شده وضربه جامد
وقال:” الي انت بتشتمها دي مراتي وانا مسمحش واحد رخيص زيك يلمسها او يقرب ليها انت فاهم ”
انا اتفجئت بسي كنت فرحانه اني لقيت حد معايا اهل البلد اتجمعوا علي صوت الخناقة ولانهم كانوا بيحبوا زين مسكوا سيف بهدلوا لقيت سيف بيقول ” اتجوزتي صح بسي وربنا مش سيبك وهعرف اخد حقي ”
وبعدين مشي والناس مشيت
أمه حضنتني وقعدت تطبطب عليا وتهديني وكذلك مرات اخوه لقيت خديجه بنت اخوه بتقولي” مرات عمو بتعيطي ليه عمو زعلك في حاته (حاجه) هو لو زعلك هيصلحك بسرعه علشان طيب وبيحبك ”
فرحت من كلامها وخدودي احمرت وكنت عايزا الارض تنشق وتبلعني لقيت مامتها مني: بنت عيب كده
ردت خديجه: الله هو الواحد مش بيعرف يقول حاجه في البيت ده
ضحكت عليها علي طريقة كلامها اتعدلت وخدتها في حضني وقبلتها
انا ” لا عمو مزعلنيش انا زعلانه من حاجه تانيه ”
ردت ” طيب يا قمر انتي هاتي بيبي بسرعه علشان العب معاه ”
الصراحه معرفتش اقول ايه
لقيت زين دخل وقال “جهزي نفسك هنكتب الكتاب كمان ساعه”
لتكملة القصة اضغط على الرقم 6 في الأسفل 👇
