انا تعبانه وتايهه ومش عارفه اعمل ايه
انا متجوزه ف بيت في ام جوزي ف الشقه اللي تحتي خربالي حياتي ودمرتني نفسيا بجد
من اول ما اتجوزت كانت تطلع تزعقلي وتقولي غسيلك مش نظيف وابني مبهدل وربنا اللي يعلم أن غسيلي فله هي عشان بتحبه بغباء مش حبه اني اعملو اي حاجه وهي اللي تفضل تعملو حاجته ف كانت بتزهقني وتدخل تفتح الدولاب وتفتش ف الهدوم ومفيش اي خصوصيات وهو سلبي جدا معاها وصبرت ومكنتش بتكلم وبحتسب واقول عند ربنا وبرضو كنت بعاملها احسن معامله واضحك معاها وف الاكل كمان انا اكون عمله الغدا وهي تطلعلو اكل ومتخلهوش ياكل من اكلي وارمي الاكل كل يوم وبرضو كنت بسكت وفضلت علي كده لحد ما حملت واول ما عرفت اني حامل طلعت قال قلبها عليا وخدت كل هدوم ابنها تحت عندها من الشقه ومنعتني اعملو اي حاجه عافيه حته كوبايه الشاي وهو برضو سلبي لحد ما خلفت يوم
الولاده بهدلتني وخلتني دخله العمليات بعيط والدكاتره بتطبطب عليا ولما ولدت خلت ابنها حتي ميجبليش الدواء بتاعي ولا يعبرني ٣ اسابيع وبعدين رجعت وهو اتاسف وقال إنه فعلا كان غلطان بس هي مسيطره عليه جامد وهو ابن امه وبعدين تعبت وعملت عمليه تانيه وبرضو موقفش جنبي ورماني عند امي حتي الدواء مجبهوش واتاسف وقال غلطان وسمحي وانا عايزه اعيش مش حبه اخرب بيتي بس برضو نفسيتي تعبت واكتشفت أنه بيتكلم عليا معاها واني مش نظيفه واني فيا وفيا ويعلم ربنا أن كل ده ب الباطل واني مظلومه وكمان هي بتقوله لما تقولك تعبانه متصدقش دي
بتمثل وبقا يتكلم عليا حتي ف أخد الدواء ويقول كل شويه برشام وانا والمصحف باخد برشام من التعب مسكن بكون بموت وبصعب علي الغريب وهما لا و غضبت وروحت عند اهلي ويرجع يتأسف ويقولي امي مش بحب ازعلها طيب وانا يسكت ويقول هتغير وفضلت علي الحال ده انا مقطعاها من يوم الولاده بس برضو هي واخده هدومه تحت بتلبسه وتفطره وتعمل الغدا وكل حاجه بقالي سنتين علي الحال ده ومفيش فايده وهو شايف أن ده عادي وان مش لازم هدومه تبقا ف بيته ومراته تعمله حاجته
انا كده محكتش كل حاجه بس بجد متلغبطه وتعبت وحياتي بايظه وهو مهملني يشتغل طول اليوم ويرجع ينام ويصحه ينزل يتعشا عندها ويقعد ساعه وينام جربت معاه كل حاجه كلام بهدوء وبعصبيه وغضبت عند اهلي وبرضو مفيش فايده بدأت اكرهو وكرهت حياتي بقيت اضيع وقتي ف النوم عشان اخلص من اليوم حسبي الله ونعم الوكيل فيها هي ست مفتريه حرفيا وعايزه تتحكم في كل الناس ربنا ينتقم منها ويجبلي حقي ف كل فرحه ليا هي كسرتهالي حتي ولادتي مفرحتش بيها وبتاخد كل الفلوس وبتديلو ب اليوم علي القد وبتخليه يكدب كتير بجد تعبت
حد يقولي اعمل اي هو رافض الطلاق خالص وبيقولي عايزه يبقا محاكم أنا مش بطلق
واهلي شمتين ومستنين اي حاجه تحصلي ويشمتو فيا هموت من كتر التفكير
وكل ما اتكلم معاه يقول حقك عليا وهتغيىر وانا عارفه أن ده كلام وبس انا عايزه حل معاه ازاي اعرفه أن الست دي خربت حياتنا وان لما يسمع كلامها ويلغي دماغه ده غلط حتي مش بينزلني ساعه يخرجني واطلب منه طيب تعالى معايا تحت البيت نتمشا مش ليوافق وكل يوم ينزل معاها المشكلة أنه شايف كل ده عادي واني مكبره الموضوع وقلبي اسود ومبفهمش ب الاضافه أنه بتاع ستات
