ردوا في صوت واحد . ده حيوان ياماما انتي كنتي متجوزة حيوان لو عرفتي اللي حصل هتفهمي إحنا بنعمل فيه ليه كده.
قولتلهم هيكون إيه اللي حصل يعني ده الراجل كان هيموت من القلق عليكم وأنتم مخطوفين.
هيموت من القلق لا اطمني مكنش هيموت ولا حاجة لأنه هو الوحيد اللي كان عارف مكانا. عارف مكانكم إزاي؟
أنا هحكيلك بعد ما دخلنا كلنا اوضتنا عشان تنام لقينا رفعت داخل علينا ومعاه علبة جاتوه وقال جبتلكم حاجة حلوة معايا يلا كلوا وانا هاخد نصيبي انا وامكم وهنا كلوا في اوضتنا.
أكلنا الجاتوه عادي جداً والأستاذ طلع حاطط مخدر في الجاتوه روحنا في النوم إحنا التلاتة مع بعض وهو جه آخر الليل بعد ما كله كان دخل بيته ونام . وكان معاه عربية اخدنا إحنا التلاتة ودخلنا العربية وطلع بينا علي مكان معزول معرفش هو يعرفه منين . ودخلنا كلنا هناك وربطنا في السرير وحط كمامات علي عيونا بعد ما ربط كل واحدة فينا في سريرها.
وزي ما انتي عارفة إن سحر مش بتاكل حلويات كتير فمخدتش جاتوه كتير وصحيت قبل المعاد اللي هو محدده . صحيت وهو لسه بيغمى عنينا طبعاً مكنتش قادره تتكلم ولا تتحرك هي يادوب لمحت وشه والحمد لله إن هو مخدش باله وإلا كان قتلنا كلنا بعد ما يعمل عملته .
البيه كان مخطط إن هو بعد ما ياخد مزاجه مننا إحنا التلاتة هيسيبنا نرجع عادي وكأننا كنا مخطوفين ومحدش عمره يشك فيه ولا حد هيمسكه وهيفلت بفعلته لكن ربنا كبير وفضح خطته دي..
أول ما سمعت اللي حصل كنت مصدومة ومش مصدقة اللي أنا سمعته إزاي رفعت يعمل كده عمري ما كنت اتخيل أن هو ممكن يعمل حاجة زي كده..
مسكت السكين من ايد بنتي وجريت عليه عشان اموته بايدي . ولكن واحدة من البنات مسكت ايدي ووقفتني وقالت إحنا عذبنه عشان نشفي غليلنا منه لكن مش هنروح في داهية عشان كلب زي ده . اقتنعت بكلامهم ولقيت إن مفيش فايدة من قتله وفعلنا بلغنا الشرطة عنه وهو دلوقتى مستني تنفيذ حكم الإعدااا..م
تمت بحمد الله…. صلو عالنبي واذكروا الله
