راسى عشان اشوف مين لقيته ابويا اول ماشفته انا غصب عنى طلعت اجرى عليه واترميت فى حضنه وانا ببكى بحرقه وقلتله سامحنى انا غلطت وندماته على الى عملته سامحنى ولقيته بيمسحلى دموعى ويقلى خلاص ياسميه ربنا بيسامح مش هسامح انا ياعبد
وخدنى ورجعت معاه البيت وهناك لقيت امى واخواتى مستقبلينى بشوق كبير ورفضت انى اتكلم فى الى فات مش عايزه افتكر اى حاجه منه
لكن لقيت ابويا بيقلى خالد وزياد كانو هنا عندنا وحكولنا على كل حاجه وخالد عايز يجوزك صرخت انا وقلتله لا مش عايزه اشوف وشه مش عايزه اسمع اسمه وجريت بسرعه ودخلت اوضتى وقفلت على نفسى وانا بفتكر كل الى شفته منه والى
عمله فيه اغمض عنيه واتالم اكتر لما افتكر قد اى كان قاسى معايا قد اى ظلمنى واجه عليه ودوقنى العذاب ونمت وانا بحاول انسى إلى حصل معايا كله لكن صحيت على صوت خالد وهو بيتكلم مع ابويا ويقله ياعمى انا لما قعدت مع نفسى وفكرت فى إلى عملته ندمت قوى وانا جاى عشان اصلح
غلطتى انا عايز اجوز سميه زى ماكانت عايزه سمعت انا كده وخرجت من اوضتى وصرخت فى وشه وقلته مش عايزه منك اى حاجه عايزك تسبنى
فى حالى كفايه الى عملته فيه كتر الف خيرك مش جيت لحد هنا واعترفت لابويا بالى عملته فيه خلاص يبقى الموضوع كده خلص اطلع من حياتى بقى
عايز تنتقم منى تانى عملت اى المره دى فيك انت بقى كنت خدامه ليك ولولاد اخوك ودفعت تمن غلطتى من اعصابى كفايه لحد كده خالد سمع كلامى
ده وماقدرش يرد عليه بولا كلمه وحده وشويه وخد زياد ومشى وابويا هنا خدنى فى حضنه
وقلى مع علش ياحبيبتى انتى لازم تجوزيه عشان كلام الناس انتى عشتى فى بيته والناس مش هترحمك لو عرفو الحقيقه وانا ابكى واقله مايهمنيش كلام حد يقلى بس احنا يهمنا زى بعضو اغصبى على نفسك
واجوزيه وبعدين هو هيطلقك ومحدش هيكون ليه عندك حاجه وانا اقله مش قادره ابص حتى فى وشه وابويا يقلى ده هيجوزك جواز سورى بس وانتى هتعيشى معانا هنا فى البيت وشويه وهو هيطلقك بس
عشان كلام الناس الكل عارف انك كنتى مجوزاه وكنتى عايشه معاه فى بيت واحد افرضى معايا دلوقتى حد اتقدملك وعارف انك كنتى مجوزه نجبله منين
قسيمة طلاقك عشان نثبت انك مطلقه وانا اقله مش عايزه اجوز هعيش طول عمرى كده وابويا يقلى بس انا عايز اجوزك وافرح بيكى وبعيالك قبل ما
اموت وانا اقله اجوز اى حد الا خالد يقلى ياعبيطه الناس كلها عرفت انك كنتى مجوزه خالد نقله اى دلوقتى أصلها ماكانتش مجوزاه وكانت بتكدب علينا وكانت عايشه معاه فى بيت واحد يرضيكى يتقال عليه ماعرفتش اربى يرضيكى
يتقال عليه راجل لا مؤاخده انا عارفك كويس وواثق فيكى بس كلام الناس يابنتى ابوس ايدك ابوس راسك اسمعى كلامى المره دى بس عشان خاطرنا
كلنا امى واخواتى وابويا كانو محاوطينى وعمالين يزنو عليه اوافق وفى الاخر ماقدرتش اهرب منهم ولا من ذنهم عليه وقلت خلاص هجوزه بس يطلقنى تانى يوم على طول
للتكملة اضغط على الرقم 16 في السطر التالي 👇
